Lau leitzarrek eta bi aranztarrek Zegama-Aizkorri lasterketa egin dute

Ttipi-Ttapa 2018ko mai. 28a, 11:31

Imanol Lukanbio eta Dani Iparragirre aranztarrak Zegama-Aizkorri lasterketan.

Nazioartean hain ezaguna den mendi maratoian eskualdeko sei lagunek parte hartu dute: Mikel Altadill Olaberria, Julen Lizarraga Lakano, Daniel Parraga Zubillaga eta Oskar Ariztimuño Mariezkurrena leitzarrek eta Dani Iparragirre Iturria eta Imanol Lukanbio Larretxea aranztarrek. Iparragirrek bortz ordu azpitik bukatu du lasterketa eta gainerakoek sei ordu azpitik.

42.195 kilometroko luzera eta 5.472 metrotako malda ditu Zegama-Aizkorri mendi maratoiak eta lasterkariek zortzi ordu izaten dituzte helmugara ailegatzeko. Lasterketa gogorra da, baina hori ez zen oztopo izan eskualdeko sei lasterikarientzat eta maiatzaren 27an egin zen hamazazpigarren edizioan ibilbidea osatzea lortu zuten.

Eskualdeko korrikalarien denborak:

-Dani Iparragirre Iturria (Arantza): 04:55:49. Sailkapen orokorrean 99. postuan.

-Mikel Altadill Olaberria (Leitza): 05:10:10. Sailkapen orokorrean 140. postuan.

-Julen Lizarraga Lazkano (Leitza): 05:28:35. Sailkapen orokorrean 188. postuan.

-Imanol Lukanbio Larretxea (Arantza): 05:46:38. Sailkapen orokorrean 226. postuan.

-Daniel Parraga Zubillaga (Leitza): 05:46:56. Sailkapen orokorrean 229. postuan.

-Oskar Ariztimuño Mariezkurrena (Leitza): 05:54:46. Sailkapen orokorrean 257. postuan.

Kirola

Erlazionatuak

Zegama Aizkorri sailkapen orokorra

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun