erran.eus

Josetxo Ezkurra II.a eta Barrenetxea IV.a dira Nazioarteko Erremonteko Zirkuituko lehen liderrak

  Kirola  Mendialdea

Santanderren maiatzaren 13an jokatutako bi partidak irabazi zituzten

Maiatzaren 13an Santanderren abiatu da 2018ko Nazioarteko Erremonte Zirkuitua. Doneztebeko Josetxo Ezkurra II.a eta Barrenetxea IV.a dira lehen liderrak, bi partidak irabazi baitzituzten (20-14 Urriza eta Joxe Etxeberria III.ari eta 20-17 Xanti Uterga eta Ion-i).

Josetxo Ezkurra II.a eta Barrenetxea IV.a dira Nazioarteko Erremonteko Zirkuituko lehen liderrak
Barrenetxea pilota astintzen, Ezkurra II.a begira eta Urriza bere burua babesten dituena. | Ikusi handiago | Argazki originala

 

Kantabriako Minbizia duten haurren gurasoak elkartzen dituen Amara elkartearen jaialdiko hirugarren partidan, Uterga eta Ionek 20-11 irabazi zieten Urriza eta Etxeberria III.ari.

Santanderren ondotik, bertze hamabi hiritara ailegatuko da Nazioarteko Erremonte Zirkuitua: Madril (ekainaren 2an), Gasteiz (ekainaren 9an), Bilbo (ekainaren 10ean), Iruñea (uztailaren 13an), Xixon (uztailaren 21ean), Hendaia (uztailaren 27an), Donostia (abuztuaren 5ean), Baiona (irailaren 16an), Soria (urriaren 7an), Bartzelona (urriaren 13an) eta Zaragoza (urriaren 14an).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa