Apirilaren 28an jokatuko dute finala Galarretan, Urriza eta Garcésen kontra
Apirilaren 28an, larunbat arratsaldeko 4etan Hernaniko Galarretan hasiko den jaialdian jokatuko da erremonteko Sagardoaren txapelketako finala. Doneztebeko Xanti Utergak eta Goizuetako Aritz Zubirik osatzen dute bikoteetako bat, Altzueta sagardotegiaren izenean eta Urriza eta Garcesen kontra ariko dira (Gurutzeta).
Pilota aukeraketa
Apirilaren 26an, ortzegunean jokatu zen jaialdiko atarian aukeratu zituzten finalerako pilotak. Jaialdi horretako partida nagusian, Koteto Ezkurrak eta Barrenetxea IV.ak 40-34 irabazi zieten Urriza eta Ion-i. Matxin III.ak eta Endika Urrutia saldiastarrak 40-39 irabazi zieten Zeberio II.a eta Joxe Etxeberria III.a doneztebarrari.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
