Tosta Bandak ikuskizuna eskainiko du apirilaren 28an Donostiako Kursaalean

Erabiltzailearen aurpegia Babestutako edukia 2018ko api. 24a, 10:15
Tosta Banda.

Larunbat arratseko 8etan hasita ariko dira Eskoziako, Galiziako, Frisiako, Irlandako, Galeseko, Kornualleseko eta Euskal Herriko hamar musikari eta abeslari

Eskoziako, Galiziako, Frisiako, Irlandako, Galeseko, Kornualleseko eta Euskal Herriko hamar musikarik eta abeslarik kontzertua eskainiko du Donostiako Kursaalean. Kontzertua apirilaren 28an izanen da, larunbat arratseko zortzietan.

 

Kultura hizkuntza gutxituetako hiztunez osatuta dago Tosta Banda, eta herrialde bakoitzeko musika tradizio aberatsak jartzen dituzte amankomunean. Kide guztiak ibilbide ezaguneko musikariak dira haien herrialdeetan; haien artean daude Oreka TX taldeko Harkaitz Martinez de San Vicente, Mikel Ugarte, Iñigo Egia eta Mixel Ducau musika zuzendari gisa.

Musikariekin batera Kornualleseko Dalla taldeko Bec Applebee dantzari zelta eta Kukai Dantza Konpainiako bi dantzarik hartuko dute parte ikuskizunean.

Ontziaren bankada esan nahi du Tosta izenak, Europako Atlantikoko kostaldeko hizkuntza gutxitu aunitzetan aurkitu daiteke. Elkarlanean eta fusioan oinarrituta, lehen aldiz elkartuko dira kultura horietako instrumentu, erritmo, kantu, estilo eta dantzak. Herrialde bakoitzeko kantak modu gaurkotuan berrasmatu eta berrinterpretatuko dituzte, eta Kukairen euskal dantza garaikidea eta kultura zeltako dantzak gehituko zaizkie abestiei.

10 musikarik eta abeslarik osatzen dute Tosta Banda; Oreka TX taldeko lau musikariak, Harkaitz Martinez de San Vicente, Mikel Ugarte, Iñigo Egia eta Mixel Ducau, Galiziako Mónica de Nut, Galeseko Gwilym Bowen Rhys, Frisiako Marit Talens, Eskoziako Rona Wilkie, Irlandako Caoimhín Ó Fearghail eta Euskal Herriko Ixi Jauregi.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun