erran.eus

Urriza eta Ionek irabazi dute Iruñeko Alde Zaharreko V. Erremonte txapelketa

  Kirola  Mendialdea

Apirilaren 6ko finalean 35-30 irabazi zieten Josetxo Ezkurra II.a doneztebarrari eta Barrenetxea IV.ari

Iruñeko Alde Zaharreko bosgarren erremonte txapelketako finalak jokatu dituzte apirilaren 6an  Labrit pilotalekuan.Final nagusian, Urriza eta Ionek 35-30 irabazi zieten Josetxo Ezkurra II.a doneztebarrari eta Barrenetxea IV.ari, lehia estuaren ondotik. Aitzinetik, promozio mailako finalean, Eloy eta Azpirozek 35-18 irabazi zieten Aldabe eta Garcés-i. Jaialdia, Nafarroan minbizia duten haurrak elkartzen dituen ADANO elkartearen alde izan zen.

Urriza eta Ionek irabazi dute Iruñeko Alde Zaharreko V. Erremonte txapelketa
Urriza eta Ezkurra II.a nor baino nor gehiago aritu ziren aitzineko koadroetan. | Ikusi handiago | Argazki originala

 

Final nagusia bikaina suertatu zen. Urriza eta Ion aitzinetik hasi ziren (5-1, 8-4), baina Ezkurrak eta Barrenetxeak markagailuari buelta ematea lortu zuten (9-11, 11-12). Partida orekatua joan zen orduan, bederatzina, hamekana, hamabina, hamaseina eta hogeina berdinduz. 22-20koan kolpea hartu zuen Ezkurra II.ak eta partidan segitu zuen arren, orduantxe aprobetxatu zuten Urrizak eta Ionek alderik handiena lortzeko (30-22). Baina ez zuten amore eman Josetxo Ezkurrak eta Barrenetxeak eta 32-27 eta 34-30 hurbildu ziren. Azken tantoa, ordea, hormabikoarekin akitu zuen Urrizak.

Urrizak 17 tanto egin zituen eta 5 galdu eta Ezkurra II.ak tanto bat gehiago egin (18) eta bat guttiago galdu (4) zuen). Beraz, ustekabean, gibelean izan zen alderik handiena. Ionek 8 tanto egin zituen (1 sakez) eta 2 galdu zituen eta Barrenetxeak bortz tanto egin zituen, eta bertze horrenbertze galdu (tartean sakez 2 falta egin zituen).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa