Ortziralean 18:30ean Labriten hasiko den jaialdiko final nagusian Urriza eta Ion, eta Ezkurra II.a eta Barrenetxea IV.a izanen dira aurrez aurre
Iruñeko Alde Zaharreko bosgarren erremonte txapelketako finalak jokatuko dituzte apirilaren 6an, ortziralean 18:30ean Labrit pilotalekuan hasiko den jaialdian. Final nagusian, Urriza eta Ion, Josetxo Ezkurra II.a doneztebarra eta Barrenetxea IV.aren kontra ariko dira. Aitzinetik, promozio mailako finalean, Aldabe eta Garcés, Eloy eta Azpirozen kontra ariko dira. Jaialdian, Nafarroan minbizia duten haurrak elkartzen dituen ADANO elkartearen alde izanen da.
Urriza eta Ion, eta Ezkurra II.a eta Barrenetxea IV.a ligaxkako azken partida borrokatua eta bikaina eskaini zuten. 35-33 irabazi zuten Urriza eta Ionek, baina finalerako ez da faborito argirik.
Jaialdiaren sarreran 5 euroko txartela hartu beharko dute ikusleek eta kopuru osoa ADANO elkartearentzat izanen da. Txartel horrekin, bi saskiren zozketan sartuko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.