Horretarako, inguruko elkarteekin elkarlanean jardun nahi lukete, bereziki bestak eta kultur arloko egunen antolakuntzan beren presentzia ageriko egiteko. Era berean, Aste Santuan eginen dituzte lehendabiziko plazaratzeak: martxoaren 29an, Ortzegun Sainduan Elizondoko plazan eta apirilaren 1ean, igandean, Urdazubin, 10:00etatik 19:30era.
Bertaratzen direnek osagarriak, buruhandiak, kosmetika naturala, altzairu zaharberrituak, larrua, egurra, zilarra... denetarik ikusi eta erosteko aukera izanen dute. Produktuak saltzeaz gainera, haurrendako tailerrak eskainiko dituzte. Era berean, beraiek eginiko produktu-sorta bat zozketatuko dute.