Iruñeko Alde Zaharreko erremonte txapelketaren bigarren jardunaldia jokatuko dute gaur

Lehen mailako norgehiagokan, Xanti Uterga eta Endika Urrutia, Josetxo Ezkurra II.a eta Barrenetxea IV.aren kontra ariko dira 

Iruñeko Alde Zaharreko erremonte txapelketaren bigarren jardunaldia jokatuko dute martxoaren 23an, ortzirale arratsaldeko 6:30etik aitzinera Iruñeko Labrit pilotalekuan. ADANO elkartearen aldeko jaialdiaren sarrera doan izanen da. Partida nagusian, lehen jardunaldian galdu egin zuten Xanti Uterga doneztebarra eta Endika Urrutia saldiastarra, lehen partida duten Josetxo Ezkurra II.a doneztebarra eta Barrenetxea IV.aren kontra ariko dira. Promozio kategorian, Etxarri eta Barrikart, Eloy eta Azpirozen kontra ariko dira.