Hamabi hiritara ailegatuko da aurten erremonteko Nazioarteko zirkuitua

Ttipi-Ttapa 2018ko mar. 21a, 16:19
Aurtengo erremontearen Nazioarteko Zirkuituaren aurkezpena.

Joan den urteko sariei dagokienez, Xanti Uterga doneztebarrak jaso du aurrelari onenarena 

Iaz egin zen moduan, aurten erremontearen Nazioarteko Zirkuitua hainbat hiriburutara ailegatuko da. Iaz baino hiru gehiago izanen dira aurten: Bartzelona, Bilbo, Xixon, Madril, Iruñea, Donostia, Santander, Soria, Gasteiz, Zaragoza eta Baiona. Guztietan, tokian tokiko minbizia duten haurren elkarteen aldeko jaialdiak izanen dira.

 

Emakumeen eta gizonen berdintasunaren aldeko mezua ere eramanen dute erremontelariek, xingola morea hain zuzen. 

Zirkuituaren aurkezpen ekitaldian, joan den urteko frontoi laburreko erremontelari onenen sariak ere banatu ziren. Erremontelari onena Javier Urriza izendatu zuten. Xanti Uterga doneztebarra izendatu zuten aurrelari onena, Endika Barrenetxea atzelari onena eta Xabier Azpiroz, etorkizuneko erremontelari onena. 

 

Aurtengo parte-hartzaileak

Aurtengo Nazioarteko zirkuituako aurrelariak Urriza, Uterga eta Ezkurra II.a izanen dira (Juanenea eta Matxin III.a izanen dira ordezkoak). Atzelariak, berriz, Barrenetxea IV.a, Ion eta Etxeberria III.a (ordezkoak, Endika Urrutia eta Azpiroz). Torneoan zehar denek denekin eginen dute bikote eta jaialdi bakoitzean, hiru partida jokatukp dituzte, 20 tantura. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun