Erremonteak eta txotxak bat eginen dute Sagardoaren zortzigarren txapelketan

Erremonteak eta txotxak bat eginen dute Sagardoaren zortzigarren txapelketan
VIII. Sagardoaren txapelketaren aurkezpena egin dute.

Zortzi bikote lehiatuko dira bi multzotan banatuak eta tartean eskualdeko bortz erremontelari ariko dira, apirilaren 28ko finalerako txartel bila

Bi multzotan banatutako zortzi bikotek parte hartuko dute zortzigarren aldiz antolatutako erremonteko Sagardoaren txapelketan. Otaegi-Ion (Petritegi), Juanenea-Endika (Larre Gain), Urriza-Garces (Gurutzeta), Segurola-II-Barrenetxea IV (Oialume Zar), Ezkurra II-Azpiroz (Bereziartua), Uterga-Zubiri (Altzueta), Etxeberria IV-Agirrezabala (Gaztañaga) y Matxin III-Larrañaga (Setien) saiatuko dira txapelaren bila, martxoaren 8tik aitzinera.

 

Lehenbiziko partida martxoaren 8an, ortzegunean jokatuko dute Galarretan Urriza eta Garces, Doneztebeko Xanti Uterga eta Goizuetako Iker Zubiriren kontra ariko dira. Ligaxka martxoaren 31n akituko da, eta gero aken faseko partidak izanen dira apirilean. Aipatzekoa da Saldiasko Aritz Juaneneak eta Endika Urrutiak bikote eginen dutela.

 

Azken fasea

Multzo bakoitzeko hirugarren eta laugarren sailkatuek elkarren kontra jokatuko dute final zortzirenetan apirilaren 7an eta irabazleek final laurdenak jokatuko dituzte lehen fasean bigarren izan direnen kontra, apirilaren 14an. Final laurdenetako irabazleek, multzo-buru izanen direnen kontra jokatuko dituzte finalerdiak apirilaren 21ean eta final handia apirilaren 28an izanen da.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun