Batzuek Azkaingo oihal fabrika bisitatzen duten bitartean, bertzeak Baionan barna ibiliko dira; eta ondotik, alderantziz. Bi lekuak bisitatu ondotik, Dantxarineko Oihana jatetxean bazkalduko dute, Joseanen musikak girotuta dantzan eta kantuan ibiltzeko aukera izanen dutelarik.
Aurtengoan bizpahiru eguneko ateraldien artean, Alpeetakoa eta Kosta Urdinekoa dira deigarrienak. Mediterraneoko itsas bidaia irailean eginen dute. Oraindik orain, datak zehazteke daude, bidaia-agentziek proiektuak aurkezten dituztenean zehaztuko dira.