Binakako Urrezko Aizkolari txapelketan, Otsagiko Iker Vicente eta Errazkingo Ruben Saralegi, Arantzako Donato Larretxea eta Urtezahar egunean Urrezko Aizkolari Kopa irabazi zuen Azkoitiko Mikel Larrañagaren kontra ariko dira.
Emakumeen banakako lehian, Maika Ariztegi iturendarra Zeanuriko Irati Astondoaren kontra ariko da.
Bi harriko harrijasotze txapelketan, Hernialdeko Iban Ugartemendia eta Orioko Aimar Galarraga ariko dira, 175 kiloko harri errektangularrarekin eta 150 kiloko kubikoarekin, bina minututako txandetan.
Jaialdia bukatzeko, Julen Diaz arabarra 200 kiloko harri errektangularra bizkarreratzen saiatuko da. Lortuko balu, Arabako bosgarren harrijasotzailea izanen litzateke pisu hori altxatzen.