Puntu garbiak Tokiko Inbertsioen Planeko funtsekin (2,8 milioi euro), Hondakinen Kontsortzioekin eta Iruñerriko Mankomunitatekoekin (0,7 milioi euro) finantzatuko dira. Eta horren bidez, hondakin gutxiago sortu eta berrerabiltzea lortu nahi da. Horren harira, 2017-2027 Plana aipatu zuen Elizaldek, hondakinen %65a gaika biltzearen aldeko apustua eginaz.
Era berean, Nafarroako Gobernuak neurri horiekiko duen konpromisoa azaleratu nahi izan du. Bertze ekimen batzuen artean Hondakinen Prebentziorako eta Ekonomia Zirkular alderako Trantsiziorako Bulegoa jarriko da abian, “Nafarroa ildo horretan erreferentziazko gizarte bilakatzen laguntzeko, lehengaien erabilera arduratsua eginez, tokiko baliabideak ahalik eta gehien aprobetxatu eta murrizteko, berrerabiltzeko, konpontzeko eta birziklatzeko araua etengabeko zirkuluan aplikatuz, naturaren beraren funtzionamendua imitatuta”.