Guztira 42 bikote dira Promozio mailan izena eman dutenak; maila gorenean, hau da, Lehen mailan, berriz, 8. Promozio mailan Zubietako Naroa Elizaldek Zestoako Araitz Eizagirrerekin hartuko du parte. Bi mailetako kanporaketak Gasteizko Ogueta eta Mendizorrotza Kirol Esparruko hiru pilotalekutan hasiko dira, otsailaren 4an.
Promozio mailan hiruko sistemako multzoen bidez jokatuko dira kanporaketak. Hortaz, bikote bakoitzak, gutxienez, bi partida jokatuko ditu. Multzo bakoitzeko irabazleak hurrengo kanporaketarako sailkatuko dira. Lehen mailan, ordea, 4 bikotek osatutako bi taldetan lehiatuko dira pilotariak, eta hiru bikote irabazleek lortuko dute sailkatzea
