erran.eus

Irune Izkue eta Nerea Sorondo aurrez aurre izanen dira emakumeen Urrezko Aizkolari txapelketan

  Kirola  Mendialdea

Urtarrilaren 14an, igande eguerdian Beizaman (Gipuzkoa) jokatuko dute bigarren jardunaldia

Emakumeen Urrezko Aizkolari banakako txapelketako bigarren jardunaldia jokatuko dute urtarrilaren 14an, igande eguerdian Beizamako (Gipuzkoa) Illaunpe pilotalekuan. Joan den asteburuan Deban bi puntuak lortu zituen Elgorriagako Irune Izkue eta eguraldiagatik Elorrioko Gazeta auzoan aritu ez zen Berako Nerea Sorondo izanen dira aurrez aurre.

Irune Izkue eta Nerea Sorondo aurrez aurre izanen dira emakumeen Urrezko Aizkolari txapelketan
Irune Izkue eta Nerea Sorondo aurrez aurre, joan den urteko lehia batean. | Ikusi handiago | Argazki originala

 

Emakumeak ez ezik, gizonezkoak ere izanen dira aurrez aurre, binakako Eusko Label saria txapelketaren baitan. Beizama bertako Eneko Otaño eta Lezaungo Juan Jose Lopez, Zizurkilgo Jon Irazu eta Zumarragako Xabier Zalduaren kontra ariko dira.

Bi harrien harrijasotze txapelketan, berriz, Aiako Imanol Illarramendi ‘Kortaberri’ harrijasotzaile ariko da, 175 kiloko harri errektangularrarekin eta 150 kiloko kubikoarekin, bi minutuko txandetan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa