Tokiko komunikabideen lana eta funtzionamendua hobetzeko estrategiaren barrenean, Tokikom duela bi urte egin zen Euskalit Fundazioko bazkide, eta tartean sartu zen TTIPI-TTAPA. Hala, bi urteotan, kudeaketa aurreratuaren inguruko formazioa jaso du Euskaliten eskutik. Orain, berriz, egindako lana aitortu dio Bikaintasunerako Nafarroako Fundazioak, eta Bikaintasunarekiko konpromisoa izeneko errekonozimendua jaso du.
TTIPI-TTAPAz gain, aitzineko urteetan, Lesakako Irain eskolak eta Elizondoko Lanbide Eskolak ere lortu izan dute bikaintasunarekiko konpromisoaren aitorpena.