Bikote guztiek badute binaka txapeldun izandako erremontelariren bat: Ion (2011, 2013 eta 2014), Etxeberria III.a (2010) Barrenetxea IV.a (2012), Urriza (2007, 2008, 2010 eta 2012), Uterga (2013 eta 2016) eta Endika (2015 eta 2016).
Azaroaren 9an hasi eta abenduaren 2an akituko den ligaxka denek denen kontra jokatuko dute eta lau lehenbizikoek lortuko dute finalerdietarako txartela. Finalerdiak abenduaren 9an eta 16an jokatuko dituzte ligaxkan lehenbiziko gelditu direnek laugarrenen kontra eta bigarrenek hirugarrenen kontra. Irabazleek finala jokatuko dute abenduaren 23an.
Txapelketa hasteko, azaroaren 9an, Urriza eta Agirrezabala, Matxin III.a eta Ionen kontra aritu dira Galarretan. Azaroaren 11ko jaialdian, berriz, eskualdeko ordezkariak sartuko dira lehian. Uterga eta Etxeberria III.a, Etxeberria IV.a eta Barrenetxea IV.aren kontra ariko dira eta Ezkurra II.a eta Endika, Matxin III.a eta Ionen kontra.
