Iker Vicente izan da bizkorrena Nafarroako lehen mailako aizkora txapelketako kanporaketan ere

Ttipi-Ttapa 2017ko ira. 25a, 09:24
Vicente, Rekondo, Mindegia, Saralegi eta Etxeberria, finalerako sailkatuak. Argazkia: D. Noticias

Gaur egungo txapeldunarekin batera, Jon Rekondo, Mieltxo Mindegia, Ruben Saralegi eta Joxean Etxeberria ariko dira azaroaren 17an Doneztebeko finalean

Nafarroako lehen mailako aizkora txapelketaren kanporaketa jokatu dute irailaren 24an Uharteko Toki-Alai pilotalekuan. Azaroaren 17an, Doneztebeko ferietan jokatuko den finalerako bortz txartel izan dituzte jokoan eta gaur egungo txapelduna, Iker Vicente izan da jaun eta jabe. Otsagikoarekin batera, Jon Rekondo leitzarrak, Mieltxo Saralegi zubietarak, Ruben Saralegi leitzarrak eta Joxean Etxeberria zigatarrak lortu dute finalerako sailkatzea.

 

Aizkolari bakoitzak bi kanaerdiko, bi 60 ontzako eta oinbiko bana moztu behar zituen eta lan horretarako alde handia lortu zuen Iker Vicentek. 13 minutu eta 31 segundo behar izan zituen lana burutzeko. Jon Rekondok ia 2 minutu gehiago behar izan zituen (15:30), Mieltxo Mindegiak 15 minutu eta 40 segundo, Ruben Saralegik 16 minutu eta segundo bakarra eta Joxean Etxeberriak 16 minutu eta 30 segundo.

Finaletik kanpo gelditu ziren Donato Larretxea (17:07), Julen Kañamares (17:38) eta Juan Jose Lopez (18:13). Ander Erasun aurtiztarrak eta Aitor Senosiainek txapelketa ez aritzea erabaki dute. Beraz, bi hauek maila galduko dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun