Menditarrak eta Berriozar nagusitu dira aurtengo Nafarroako Herriz Herri Txapelketan

Ttipi-Ttapa 2017ko abu. 22a, 07:59
Unai Iantzi aniztarra eta Fernando Etxegarai beratarra lokotx biltzen, Basaburua eta Berriozar taldeekin, uztailaren 30ean Beran egin zen jardunaldian.

Nafarroako Herriz Herri Txapelketaren laugarren eta azken jardunaldia jokatu zen abuztuaren 19an Burlatan. Lehenbiziko proba konbinatuan, berdinketa egin zuten Berriozar eta Menditarrak taldeek. Jardunaldi guztietako postuak kontuan hartuta ere berdinketa zutenez, jardunaldi guztietako denborak batu zituzten, eta hala, Menditarrak taldeari eman zioten lehenbiziko postua. Bigarren konbinatuan Berriozar nagusitu zen.

Basaburua, Berriozar eta Menditarrak taldeek hartu dute parte aurtengo Nafarroako Herriz Herri Txapelketan eta hiru taldeak bi proba konbinatuetan ibili dira lehian: lehenengo proba konbinatuan (lokotx biltzea, zaku lasterketa, aizkora, korrika eta arpana) eta bigarren proba konbinatuan (txinga-eramatea eta ingude altxatzea).

Lehen proba konbinatuan, Menditarrak taldea izan da txapelduna eta bere gibeletik sailkatu dira Berriozar eta Basaburua. Bigarren proba konbinatuan, ordea, Berriozar izan da bizkorrena, eta Basaburua eta Menditarrak sailkatu dira bigarren eta hirugarren postuetan.

AZKEN EMAITZAK

Lehen proba konbinatua

1.- Menditarrak         72:31:51                

2.- Berriozar              74:03:10    

3.- Basaburua           78:13:81  

 

Bigarren proba konbinatua

1.- Berriozar: 11 puntu          

2.- Basaburua: 9 puntu

3.- Menditarrak: 5 puntu

Kirola

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun