Piriniotar behi arrazari buruzko lehen argazki lehiaketa Nerea Begino igantziarrak irabazi du

Ttipi-Ttapa 2017ko abu. 4a, 07:08

Nerea Beginoren 'Birramona' argazkiak lortu du lehen saria.

71 argazkilarik 181 argazki aurkeztu dituzte lehiaketara

Baztanen egite den piriniotar behi-azienda lehiaketa enkante nazionalak 30. Edizioa beteko du udazken honetan. Aitzaki horrekin, lehen aldiz Piriniotar behi arraza eta bere ingurua izeneko argazki lehiaketa egin da. Abuztuaren 3an jakinarazi dituzte saridunak eta 400 euroko lehen saria Igantziko Nerea Begino Mendibururen ‘Birramona’ argazkiak eskuratu du.

Denera 71 argazkilarik 181 argazki aurkeztu dituzte. Argazkilari gehienak, 44, nafarrak ziren, eta horietatik 12 baztandarra. Baina Araba, Gipuzkoa, Bizkaia, Baxenafarroa, Asturias, Bartzelona, Castellon, Errioxa, Girona, Huesca eta Zaragozatik aurkeztutako lanak ere izan dira.

Nerea Begino igantziarraren ‘Birramona’ argazkiak lortu du lehen saria. 200 euroko bigarren saria Bizkaiara joan da, Abadiñoko Iñaki Uriarte Basagurenen ‘Urkiolako Pirinaika taldea’ lanak eskuratu baitu. 100 euroko hirugarren saria Jon Kepa Izagirre gasteiztarrak eskuratu du ‘Guapo’ argazkiarekin.

Gizartea

Erlazionatuak

Bigarren saria

Hirugarren saria

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun