Legazpin urtero irailaren lehen igandean ospatzen den festa honek lotura haundia dauka Euskal Artzainak Ameriketan elkartearekin. Laura Igantzi lehendakariak aipatzen duen bezala «2001. urtean nere aita zena festa honetara gonbidatu zuten eta artzain amerikano bezala omendu zuten. Omenaldi horreri esker, 2005. urtean Artzain Munduak Arantzazun antolatu zuen bestara ere aita gonbidatu zuten, eta horreri esker hasi ginen gure artzainen datoak biltzen».
Artzainek eta senideek, uztailaren 26tik abuztuaren 24a arte ohiko lekuetan beraien txartelak eros ditzakete. Aurten artzaintza goraipatzen duen festara joatea polita izateaz gain, bi homenaldi ospatuko dituzte bertan. Alde batetik, urtero elkartearen festara joaten diren Bankako Oçafrain anaiak (Henri, Domingo eta Jean Louis) omenduko dituzte; eta bertzetik Elkartea bera omendua izanen da, artzainen historia jaso eta gizarteratzeko egin duen lana eskertuz. Aurtengo leloa dioen bezala: "Legazpiko Artzain eguna gure elkartearen hazia".