erran.eus

Plazaola gozatzeko 14 bisita gidatu eta jarduera turistiko proposatu dituzte uda honetarako

  Gizartea  Mendialdea

Leitzan, esaterako, Peru-Harri eta Lesakeneko oreinak bisita daitezke 

Plazaola Partzuergo Turistikoak 2017ko udarako 14 bisita gidatu eta jarduera turistiko eskaintzen ditu bere zerbitzu turistikoetako hornitzaileen laguntzarekin

Plazaola gozatzeko 14 bisita gidatu eta jarduera turistiko proposatu dituzte uda honetarako
Udan hainbat leku bisitatzeko aukera ematen du Plazaolako Partzuergoak. | Ikusi handiago | Argazki originala

 

Uda honetarako, bisitari guztientzako atseginak eta haien nahiak asetzeko modukoak izango diren hainbat bisita gidatu prestatu eta aukeratu dituzte. Hauek “Disfruta del Plazaola – Plazaola gozatu” izenburuaren barruan joango dira eta mota guztietakoak baita gustu guztietakoak ere izango dira.

Gainera, herri eta udal ezberdinetan antolatutako ekitaldi eta ekintzen eskaintzak, inguruneaz, ondareaz, jendeaz eta kulturaz gozatzeko osagarri ezin hobea osatzen dute.

Ezkurdi erlezaintza, Orgiko basoak (Lizaso), Mendukilo kobak (Astitz), Antsonea (Uztegi), Bikain (Etxarri) eta Anatxonea (Baraibar) gaztandegiak, Peru-Harri parkea eta Lesakeneko oreinak (Leitza), Lizasoko Pitch&Put golfa, San Migeleko santutegia, Lacturale-Esne behien interpretazio gunea (Etxeberri-Arakil) eta Lekunberriko Plazola kantina dira proposatutako jarduerak. Aurten, berrikuntza moduan, Orokietako Enigma Basaburua aretoan ‘Scape room’ bat ere eskainiko dute.

 

Informazio gune berria Leitzan

Leitzako udalak, plazan bertan, udaletxe ondoan, dagoen informazio gunea berritu egin du. Erakustokiak hobetzeaz gain, erakina irisgarriago egin du hainbat aldaketa eginez: iristeko aldapa, seinalaketa berezia, apal irisgarria… Informazio gune hau urte osoan zehar irekita egoten da, eta bertan Plazaola eta Leitzako establezimenduen promozio materiala eta informazioa eskuragai dago.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa