Saharaztan elkarteak urteak daramazki saharar herriari bere elkartasuna eta laguntza eskaintzen, eta Oporrak Bakean proiektua izaten da bere egitasmo nagusia. Honi esker, urtero saharar haurrak Baztan-Bidasoko familietara ekartzen dituzte udako bi hilabeteak pasatzera. Bi helburu nagusi ditu Oporrak Bakean egitasmoak: batetik, basamortuko udako egoera latzetik umeak atera eta oporrez gozatzeko aukera eskaintzea eta bertzetik, elikadura osasungarria eta mediku arreta ematea.
Honela, hilabete hauetan jarduerak izaten dituzte: gure produktuak nola egiten diren ikasten (Autxitxia gasnategian, Arkupe gozotegian, taloak egiten Amaiurren...), tailerrak, hondartza eta mendira ateraldiak, etabar.
Bertzetik, ume guztiak Osasun zentruetako Pediatria zerbitzutik pasatuko dira mediku azterketak egitera eta txertoen egutegia (kanpamenduekin batera koordinatuta) eguneratuta eramateko. Azterketa horiek prebentziorako balio dute, baina sintomaren bat hautemanez gero, ahalik eta lasterren sendatze-osatze bidean jarriko dira. Udako egonaldian zehar hainbat osasun-arazo hauteman daitezke, eta horietako batzuk tratatu ezean, etorkizunean arazo larria izan daitezke haurrarentzat. Eguneroko elikadura osasuntsua eta garbitasun ohiturak ere bermatzen saiatzen dira.
Zozketa
2017ko udan Saharako haurrak Baztan-Bidasoaldera ekartzeko laguntza moduan, aurten ere bi pertsonentzako afariak edo bazkariak zozketatu ditu Saharaztan, Baztan-Bidasoko Saharar herriaren aldeko elkartasun taldeak. 35 jatetxek bat egin dute Saharaztanen ekimenarekin. Bi hilabeteko epea izanen dute saridunek otordua egiteko eta horretarako, jatetxera joan baino lehen deitu egin behar da eta otordua egin baino lehen saritutako txartela erakutsi beharko dute.
Hauek dira zenbaki saridunak:
- Beola (Almandoz), 0843
- Aterpe (Arantza), 2.492
- Pabloenea (Arantza), 3.029
- Ordoki erretegia (Arizkun), 3.072
- Bixta-Eder (Arizkun), 1.403
- Beintzako Ostatua (Beintza), 4.289
- Errekalde (Bera), 3.500
- Xuga (Bera), 1.894
- Zalain (Bera), 4.369
- Donamariko Benta (Donamaria), 3.623
- Belarra (Doneztebe), 0556
- Elbeteko Posada (Elbete), 3.401
- Hilarion (Elgorriaga), 1.111
- Galarza (Elizondo), 0758
- Eskisaroi (Elizondo), 3.923
- Itzalargikoborda (Elizondo), 0851
- Kastonea (Erratzu), 4.020
- Elutsa (Etxalar), 1.558
- Herriko Ostatua (Etxalar), 4.702
- Fransene (Gartzain), 3.453
- Herriko Ostatua (Gaztelu), 2.755
- Olari (Irurita), 1.053
- Altxunea erretegia (Ituren), 0164
- Tresanea (Ituren), 1.381
- Herriko Ostatua (Ituren), 0399
- Aurtizko Abarun aterpea (Aurtitz), 1.789
- Kattalin (Legasa), 2.034
- Larraldea Sagardotegia (Lekaroz), 1.276
- Etxebertzekoborda (Lekaroz), 4.271
- Linddurrenborda Sagardotegia (Lesaka), 0702
- Urgain (Oronoz-Mugairi), 0343
- Ariztigain kanpina (Sunbilla), 4.440
- Bustitz (Sunbilla), 2.107
- Herriko Ostatua (Zubieta), 0465
- Graxiana Aterpea (Zugarramurdi), 4.803