Aurtengo antolatzailea Divesport enpresa kataluniarra da, bide berdeetako maratoietan berezitua. Estatu mailan bertze 5 maratoi antolatzen ditu, eta 2015ean Europa mailako sari bat jaso zuen. Bestalde, probak Nafarroako Gobernuaren, Gipuzkoako Foru Aldundiaren, Basquetour- Eusko jaurlaritzaren, Andoain, Leitza, Lekunberri eta Larraungo udalen, Araitz Kirol Mankomunitatearen, Areso, Betelu, Larraun eta Lekunberriko KIROLMANKen babesa du. Erran dutenez, tokiko ekonomiarentzat bultzada bat dakar kirol probak, iazko kirolarien %35 beste komunitate autonomoetakoak edo atzerritarrak baitziren.
Izena emateko 1. epea ekainaren 30ean bukatzen da, eta bertze bi epe izanen dira, abuztuaren 18rarte eta irailaren 12rarte. Antolatzaileek iazko 435 parte hartzaileen marka gainditzea espero dute.
