Parlamentuko Hezkuntza Batzordeko Luis Zarraluqui (UPN), Isabel Aranburu eta Consuelo Satrustegi (Geroa Bai), Esther Korres (EH Bildu), Tere Saez eta Fanny Carrillo (Podemos-Ahal Dugu), Carlos Gimeno (PSN) eta Javier Garcia (PPN) izan dira bisitan.
Zentro berriak 15.000 eta 20.000 metro koadro artean hartuko lituzke. Baztan, Bertizarana nahiz Doneztebeko Udalak prest daude eremu horiek uzteko eta batzuen nahiz bertzeen aldekoak eta kontrakoak aztertu dituzte eskualdeko udal ordezkariekin batera.
Oronozko eremua, suhiltzaileen parkearen gibeleko aldean dago eta Nafarroako Gobernuarena da jabea. Narbartekoari dagokionez, 20.000 metro koadro ditu eta horietatik 18.000 udalarenak dira eta bertze 2.000 metro Martiko enpresarenak, baina udalari derrigorrez uzteko aukera badu.
Doneztebekoari dagokionez, Baztan-Bidasoaldean erditsuan dagoela da bere abantaila nagusia. Eremua partikular batena da, baina badirudi udalarekin negoziatzeko prest dagoela.