Urtarrilaren 15ean ariko dira Aizarnazabalen Juan Jose Lopez Azpilikueta eta Eneko Otañoren kontra
Urrezko Bikanako Aizkolari txapelketa Eusko Label Sari Nagusiko bigarren jardunaldia jokatuko da urtarrilaren 15ean, igande eguerdiko 12:00etan Aizarnazabalen. Jon Rekondo leitzarrak eta Donato Larretxea aranztarrak bikotea osatuko dute eta Juan Jose Lopez Azpilikueta eta Eneko Otaño izanen dituzte arerio, lehen bi puntuak eskuratzeko eginahalean.
Aizkolariak ez ezik, promesa mailako harrijasotze txapelketako lehen jardunaldia ere jokatuko dute Aizarnazabalko Xabier Peñagarikanok, Aizarnako Jagoba Otaegik eta Orioko Gorka Etxeberriak. Bina minutuko txandak egin beharko dituzte 150 kiloko errektangularrarekin, 150 kiloko zilindro modernoarekin, 113 kiloko kubikoarekin eta 100 kiloko harri borobilarekin. Bi lehenbiziko postuak lortzen dituzten bi harrijasotzaileek, Urtzi Telleria II eta Iñigo Eizagirrerekin jokatuko dute ligaxka.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.