Kanporaketan ere nagusi izan zen Eneko Otaño eta hortaz ez zen ezustea izan txañela janztea ere. Bi kanaerdiko, bi 60 ontzako eta bi oinbiko mozteko 20 minutu eta 47 segundo behar izan zituen. Julen Alberdiren bigarren postua sorpresa handiagoa izan zen, doi-doi sartu baitzen finalean. 21 minutu eta 17 segundo behar izan zituen lana burutzeko. Ander Erasun aurtiztarra hirugarren izan zen (22:29), Mieltxo Mindegia zubietarra laugarren (22:52), Kañamares III. bosgarren (23:53) eta Oihan Larretxea seigarren (24:09).
Xabier Zalduak desafioa
Finalaren ondotik, Xabier Zalduak bertan aritu ziren denei desafioa bota zien, 20 kanaerdikotara jokatzeko. Martxoan izanen litzateke apustua eta enborrak Zalduak berak eramanen lituzke. Zumarragakoa azaroaren 11n Azkoitiko Ixidro erretegian egonen da 20:00etatik aitzinera solasteko eta, ahal bada, apustua sinatzeko prest.