Adina eta sexuari dagokionez, 25 urtez goitiko gizasemeen artean 367 lagun daude langabezian, abuztuan baino 9 gehiago. Adin tarte horretako emakumeen artean, aldiz, 21 guttiago daude langabezian, 448. 25 urtez beheitiko gizasemeen artean abuztuan baino 7 gehiago daude langabezian, 42 lagun denera. Adin tarte horretako emakume gazteen artean abuztuan baino 6 langabetu guttiago daude, 37 denera.
Arloka, zerbitzuen arloak segitzen du langabe gehien izaten, baina abuztuan baino 7 guttiago ditu, 633tik 626ra pasatuz. Industria arloan ere 10 langabetu guttiago daude, 130 denera. Eraikuntzan, aldiz, 6 langabetu gehiago daude, 68. Nekazaritzan, berdin mantentzen da langabetu kopurua 24 denera, eta aitzinetik lanik egin ez dutenen artean ere, 46 lagun daude langabezian, abuztuan bezalaxe.