Ibilbideak Bertizko Jaurerria Parke Naturala zuen abiapuntua eta Berako Isidoro Fagoaga musika eskolako musikariek lagunduta, martxako 100 parte-hartzaileek hainbat puzzle egiteko aukera izan zuten Legasako plazan.
Aktibitatearen bukaeran, parte-hartzaileek hainbat sari hartu zituzten eta Doneztebeko Bear Zana plazara zuzendu ziren, non martxa familiarra bukatu zen. Bertan, txikiek puzgarriez gozatzeko aukera izan zuten, baita hainbat sari ere zozketatu ziren. Hau da sarien zerrenda, irabazleenarekin batera:
1. Saria: Kattalin Aterpea (Legasa) jatetxean 2 otordu – Dortsal zbk. 030: N.T.S (Doneztebe)
2. Saria: Ezkurra ostatuan (Ezkurra) 2 otordu – Dortsal zbk. 033: F.C.A (Iruña)
3. Saria: Itzalargikoborda (Elizondo) jatetxean 2 otordu – Dortsal zbk. 100: M.R.E.O (Ituren)
4. Saria: Etxalarko Herriko Ostatua (Etxalar) jatetxean 2 otordu – Dortsal zbk. 044: A.P.B (Errenteria)
Tren Txikitoren mendeurrena
Tren Txikitoren mendeurrenaren erakusketako antolakuntzak okasiorako utzitako tren turistikoan ibiltzeko aukera ere izan zuten parte-hartzaileek. Tren hau Bidasoako Bide Berdean ibili zen, Bidasoako Burdinbideak antzina egiten zuen moduan.
Tren Txikitoren mendeurrenaren erakusketa ibiltariari dagokionez, berriz, Berako Kultur Etxean ireki ditu bere ateak astearte honetan, irailak 13, eta irailaren 20ra arte egongo da. Gero, Igantzira (irailaren 22tik 25era) eta Sunbillara (irailaren 27tik urriaren 11ra) zuzenduko da, eskualdeko beste herrietarantz jarraitu aurretik.