Espainiako Itzuliko etapa luzeenaren helmuga eta etapa nagusiaren irteera hartuko ditu Dantxarineak. Irailaren 2an, ortzirala, Bilbon hasiko da etapa eta 211,4 kilometroko bidea egin beharko dute txirrindulariek. Tartean, bigarren mailako mendate bat eta hirugarren mailako sei igaro beharko dituzte. Bilbotik 12:23an abiatuko dira eta Bizkaia eta Gipuzkoatik barna ibili ondotik, Aritxulegitik pasa eta 15:30 aldean Aginan barna sartuko dira eskualdera. Lesaka, Etxalar, Lizaieta (16:25), Berruet Benta, Zugarramurdi, Dantxarinea, Ainhoa, Oihalde, Sara (17:20), Berruet Benta, Zugarramurdi eta Urdazubin sartuta, 17:30 aldera eginen dute helmuga Dantxarinean.
Irailaren 3an, larunbata, 2016ko Espainiako Itzuliko etapa nagusia eta erabakiorra jokatuko da. Urdazubitik Aubisque-Gourette arteko bidea egin beharko dute txirrindulariek, 196,1 kilometro, mendiko lau mendate, lehenbiziko mailako hiru eta kategoria bereziko bat igaro beharko dituzte. Urdazubitik12:04an abiatuko dira txirrindulariak Ainhoa aldera.
