Asier Pellejero aresoarrak bigarren mailara igotzeko lehenbiziko pausoa eman du

Ttipi-Ttapa 2016ko abu. 30a, 13:04
Deskargatu Info Ahotsak :
Español English Français Català Galego

Asier Pellejero izan zen kanporaketako onena, 11 minutu eta 4 segundo behar izan zituen.

Patxi Mindegiak ezin izan zuen finalerako txartelik lortu

Abuztuaren 28an Lakuntzan egin zen kanporaketan, Pellejero, Urteaga eta Saralegik lortu zuten Etxarri Aranatzen  jokatuko den Euskal Herriko Hirugarren Mailako finalerako sailkatzea. Patxi Mindegia ordea, hasierako enborretan onena izan bazen ere, azkenerako behera egin eta finaletik kanpo geratu zen.

Hamalau aizkolari lehiatu ziren abuztuaren 28an, etan bakoitzak lau kanaerdiko ebaki behar izan zituen. Asier Pellejero aresoarra izan zen kanporaketako, 11 minutu eta 4 segundoan bukatu zituen lan guztiak. Urteaga izan zen bigarren, 11 minutu eta 24 segundo behar izan zituen eta Eneko Saralegik, 11 minutu eta 38 segundo. Hiru aizkolari hauek lortu zuten finalean sartzea eta pasa den uztailean sailkatzea lortu zuten Etxeberria II.a, Kañamares IV.a eta Alkizalete II.arekin batera ariko dira.

Resano eta Patxi Mindegia ere gertu izan ziren finaletik, baina bietako inork ez zuen lortu. Resanok 11 minutu eta 58 segundo behar izan zituen guztira eta Mindegiak 11 mintuu eta 40 segundo. Atzetik, Beltza (12:01), Gorriti (12:38), Kintana (12:46), Olasagasti (12:12), Oregi (14:40), Otaegi II.a (15:18), Garcia (17:05), Agirre (19:04) eta Intxausti (19:12) sailkatu ziren.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!