Lanbide Heziketa Zentro berri horrek eskualdearen errealitate sozioekonomikoa kontuan har dezala ere eskatu dute, «tokiko beharrei egokitutako kalitatezko formakuntza eskainiz». Eraberean, zentro berriak «euskarazko eskaintza bermatzea» ere eskatu du Parlamentuak, «eskualdeko herritarren ezaugarri eta behar soziolinguistikoak kontuan hartuta».
Geroa Bai, EH Bildu, Podemos-Ahal Dugu eta I-E laukoak bultzatutako ebazpenak dioenez, Baztan-Bidasoa-Urdazubi eta Zugarramurdi eskualdeako lanbide heziketa «egoera negargarrian dago, bai azpiegitura mailan, baita antolaketa eta eskaintza akademikoari dagokionez» eta horregatik planteatzen du garaiari egokitutako zentro berriaren eraikuntza.
Testuinguru honetan, Nafarroako Gobernuaren inplikazioa ere eskatu dute, «azken hamarkadan inbertsiorik ez delako egin eta Lanbide Heziketarako eta enplegurako erreferentzia izanen den zentro honen hornidurarekin, garapen sozialean eta ekonomikoan laguntzeko». Parlamentuak gogoratzen du eskualdeko udal guztiak proiektuaren alde daudela.