Baluarteko ekitaldian urrezko 204 intsignia eman ziren (50 odol-emaitza baino gehiago egin dutenei). Saridunen artean eskualdeko 13 zeuden: Elizondoko Luis Arregi Etxepare, Pedro José Arteta Berasategi, Xabier Irureta Rodenas, Ramon Lizasoain Adansa, Pedro Mari Maia Martikorena, Miguel Nuñez Polo, Milagros Organbide Goñi eta Celestino Rekarte Urrutia; Elgorriagako Lucio Irisarri Arrijuria; Lekarozko Pedro Maria Oskariz Bertiz; Berako Saturnino Pikabea Eltzaurdia eta Maria Jesus Yanci Amorena eta Gazteluko Jose Miguel Sarratea Oteiza.
Urrezko domina bikoitza (100 emaitza baino gehiago) 41 lagunek jaso zuten, tartean eskualdeko bik: Arizkungo Elvira Garcia Artiedak eta Leitzako Jose Juan Larralde Cerezalesek.
Bortz Urrezko domina hirukoitz (150 emaitza baino gehiago) ere eman ziren, baina horien artean ez zen eskualdeko saridunik.
Hain zuzen ekainaren 14an, asteartean ospatuko da Odol Emailearen Nazioarteko Eguna, Odolak denak konektatzen gaitu izenburupean. Nafarroako ospitaletan, egunero 80-100 odol transfusio egiten dira.