Neskur Etxenike jubenil mailan txapeldun suertatu zen disko jaurtiketan, 27 metro eta 41 zentimetroko markarekin. Ez hori bakarrik, pisu jaurtiketan bigarren izan baitzen, eta 10 metro eta 29 zentimetroko jaurtiketarekin urrezko dominatik 4 zentimetrora gelditu zen. Neskur Etxenike Irungo Txingudi Atletismo Taldean ari da, eta Mª Carmen Mendez da bere entrenatzailea.
Patti Sanz-ek, berriz, otsailean pertiga jauzian Euskadiko txapelketa irabazi ondotik, orain kadete mailan Gipuzkoako txapelketa irabazi du, 2 metro eta 20 zentimetroko jauziarekin (10 zentimetro hobetu du otsaileko marka). Bertze bi probetan ere parte hartu zuen, baina ez zuen podiumera igotzerik izan. Ehun metroko lasterketan 14 minutu eta 85 zentesimako marka egin zuen eta luzera jauzian 4 metro eta 66 zentimetro.
Patti Sanz duela bizpahiru urte hasi zen entrenatzen Irunen, Juanjo Garrancho eta Mari Carmen Mendez prestatzaileen eskutik, baina konpetizioari aurten ekin dio.
Irungo Txingudi atletismo taldeak denera 15 domina eskuratu ditu Gipuzkoako txapelketan.