Gasteizetik abiatu eta zenbait kilometro geroago, gure ingurura Uitziko gainetik barna sartuko dira, Leitzara 14:15 aldera ailegatuz; Leitzatik Basakabira igoko dira (Usategietako gaina, 2. mailakoa), Goizuetara jautsi, Hernani, Oiartzun, Aritxulegiko gaina (2. mailakoa, 16:00 aldera), San Anton, Agiñako gaina (2. mailakoa, 16:15ean), Lesaka (tarteko helmuga), PlazaZaharra, Piedadeko gaina (3. mailakoa), Igantzi, Berrizaun, Etxalarko Benta, Lesakako zubia eta Lesakako helmuga. Goizueta, Arano, Leitza, Igantzi eta Lesakako udalek ohartarazi dute etapa honek trafikoan izanen duen eraginaz eta Lesakan, asteazken goizeko 8etatik aitzinera ezin izanen da aparkatu futbol zelai inguruko aparkalekuetan.
Apirilaren 7an, Lesaka-Orio
Asteazkeneko helmuga ez ezik, ortzeguneko etapako irteera ere Lesakan izanen da, 12:50ean Plaza Zaharrean. Etapa laburragoa izanen da, 165 kilometrokoa, baina Endarlatsan barna Bortzirietatik atera eta gero, Jaizkibelgo gaina (1. maila), Arkaleko gaina (3. maila), Garateko gaine (2. maila) eta Aiako gaina hiru aldiz (2. mailakoa) igo beharko dute, Orion helmugaratu aitzinetik.
