Antolatzaileek egitarauaren aniztasuna azpimarratu dute. Euskararen erabilpena eta gazteen arteko elkarbizitza sustatzea helburu nagusiak badira ere, horiek lortzeko hainbat jarduera erakargarri prestatu dute: baserri eguna eta haurrek egindako talo tailerra, kobazuloko bisita espeleo maila ezberdinetan, mendian egun pasa eta bainu freskagarria, herri kirolak, natur jokoak… eta gaubelak.
Baztan-Bidasoa Turismoa Elkargoak informazio kanpainan lagunduko du eta aurtengo edizioan internet bidezko matrikulazio prozedura nabarmen erraztu da. Apirilaren 1etik maiatzaren 10era bitarte zabalik dago izen emateko epea. Informazio gehiago: www.euskarazblaiudalekuak.com eta 948 592 323 (goizez) / 622 728 984 (arratsaldez) telefonoetan.
