Finalan Eratsungo Miel Baleztena eta Juan Estangari irabazi zieten
Martxoaren 17an jokatu ziren Arkupeak elkartearen mus txapelketako finalak Doneztebeko Santamaria jatetxean. 32 bikote aurkeztu ziren, 09:30ean hasi eta hamaiketakoa hartuta, 14:00 arte aritu ziren. Bazkalondoan egin zen sari banaketa: Elizondoko Tomas Torres eta Juan Larre izan ziren irabazleak eta txapela, ardo botila eta gazta eskuratu zituzten. Eratsungo Miel Baleztena eta Juan Estanga izan ziren azpitxapeldunak, Zigako Bitoriano Mendiburu eta Alberto Azpirozek osatutako bikotea hirugarren eta Arantzako Timoteo Iguzkiagirre eta Santiago Iparragirre laugarren.
Datozen edizioei begira, txapelketako kanporaketetan parte hartzea gehiago kontrolatuko dutela aipatu dute antolatzaileek. Bikote batzuk bi herritako kanporaketetan parte hartzen dute eta horrek abantaila ematen diela ikusirik aurrerrantzean, herri bakar batean soilik parte hartu ahal izanen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.