Otsailaren 26an, ortzirala, Elizondoko Arizkunenea kultur etxean 19:30ean, Hassana Aalia ekintzaile sahararrak, Marokon bizi osoko kartzela ezarri diotenak, hitzaldia emanen du. Gdeim Izik-eko kanpamentuko protesta baketsuan parte hartzeagatik jaso zuen zigor hori. Orain gure arten bizi da baina Marokok bere estradizioa eskatu du. Hassanak Espainiako gobernuari babes politikoa eskatu dio eta erabakiaren zain dago. Hitzaldian okupatutako Saharako egoerari buruz solastuko du, bertako sahararrek sufritzen dituzten giza eskubideen urraketa eta etengabeko jazarpenari buruz bertzeak bertze.
Otsailaren 27an, larunbata, 18:30ean elkarretaratzea eginen dute plazan eta 19:00etan zinema aretoan aspaldian Donezteben bizi den Naffak, Polisarioko gudari ohiak, hitzaldia emanen du. Saharako Errefuxiatuen kanpamenduko egoerari buruz solastuko du.
Ondotik Coria y el mar filma ikus ahalko da. Dokumental honetan kanpamenduetako saharar emakumeen eguneroko bizimodua ikus liteke.
Nina Navak zuzendu zuen eta gurera pelikula aurkeztera eta horren gainean aritzera Ainara Pagola etorriko da, Coria y el mar dokumentalaren zuzendaritzako laguntzaile eta ekoizlea.
Hau akitzean afaltzera joanen dira Belarra ostatura. Bi ekimen hauek doan dira.
