Hondakin berezien bilketarako Birziklapen Etxolak jarri dira Malerrekan ere

Etxetxo hauetako batzuk orain dela denbora bat jarri baziren ere (Baztanen eta Bortzirietan), Malerrekan berriki jarri da eta ia erabilgarri dago.

Malerrekako etxetxoa Donezteben jarri da, Elizagibela auzoko sarreran hain zuzen ere. Baztango etxola Elizondon dago, Jaime Urrutia karrikaren hasieran, Merkatuko Plazan, esne makina eta arropa edukiontziaren ondoan eta Bortzirietakoa berriz,  Etxalarren, herri sarrerako aparkalekuan.

Etxolak hainbat leihatila ditu eta hauetako bakoitzean hondakin mota bat biltzeko irudia eta testua agertzen da. Hauek dira etxolan bota daitezkeen hondakinak: bateriak, gasolio eta olio filtroak, bonbilak eta fluoreszenteak, erradiografiak, pilak, fitosanitarioak, garbiketa produktuak, sakeleko telefono edo mugikorrak, tonerrak eta inpresoren tinta kartutxuak, gailu elektrikoak eta elektronikoak, olio minerala eta landare olioa (plastikozko pote itxietan), kutsatutako ontziak, pinturak, CD eta DVD-ak, aerosolak edo espraiak, eta kolak eta silikonak. 

Baztango Udaletik eta Bortziriak eta Malerrekako Mankomunitateetatik herritarrei etxola berri hauek erabiltzeko gonbitea luzatzen zaie, hondakinen kudeaketan denon parte-hartzea beharrezkoa delako. 

Orain arte hilabetean behin Baztan eta Malerrekan eta bitan Bortzirietan ibiltzen zen kamioiaren (hondakin berezien bilketa puntu mugikorrak)  ibilbideetan moldaketa ttiki batzuk egin dira. Hurrengo urtean (2016an) hau izanen da hondakin berezien bilketa puntu mugikorrak,  eginen duen ibilbidea eta ordutegia: