Liburu honetan 1960. hamarkadako Iruritako herria eta herritarrak argazkitan ikusten ahal dira; herriko bestetan, dantzetan, jostetan, eguneroko bizitzan… Jesus Jaimerena apeza Iruritako herrian bizi zenean ateratako irudiak dira. Originalak diapositibetan daude, irudiak atera ondotik, herritarek diapositibak ikusteko “emanaldiak” izaten zirelakoz.
Jesus Jaimerena Salaburu 1929ko Urriaren 16an Iruritan sortu zen eta 24 urte zituelarik apeztu zen. Don Jesus, apeza argazkizale afizionatua izateaz gain, pilotazalea, musikazalea eta euskaltzalea izan zen, eta horrela jarraitu zuen 70. hamarkadaren hasmentan Lekunberrira joan zenean ere. Bertako dantzak, kirolak, abesbatza eta kultur ekitaldi ezberdinak bulkatu eta antolatu zituen Iruritan. Hala ere, egun, bere aportazioari buruz galdetzen diogunean, berak ezer egin ez zuela dio, afera guzti horiek iruritarrek egin zituztela!
