Bertzalde, azaroaren 13an, ortziral arratseko 8etan, final laurdenetako bi partida jokatuko dituzte Berako Eztegara pilotalekuan.
Promesetan Zubizarreta eta Iñigo Martinez beratarrak jokatuko dute Peio Etxeberria eta Ruben Medinaren kontra.
Seniorretan Ander Errandonea beratarrak eta Kermen Galarzak jokatuko dute Arteaga eta Murgiondon kontra.
Bortzirietako pilotazaleek aukera ederra daukate bertako pilotariak ikusteko. Bai Errandoneak baita Martinezek ere lesioengaitik uda guztia jokatu gabe pasatu dute eta orain bere joko ona erakutsi nahiko dute. Joan den urteko maila berriz erakusten ari dira, joan den ortzegunean Zaldibarren partida bikaina jokatuta Dorronsoro eta Perezi 22-8 irabazi baitzieten.
Bortziriak pilota eskolatik pilotazalei animatzen dituzte ortziralean Berako Eztegara frontoiara hurbiltzera eta animoak emateaz gain, sari baten zozketan ere parte hartzen ahl dute. Lehenbiziko saria, Xuga ostatuan bi pertsonendako afaria izanen da (Xugak oparitua) eta bigarrena txuleta eder bat botil ardoarekin (Venta Peiok oparitua).