Herrilan Zuzendaritza Nagusia segurtasun kamera termikoak eta abisuen panelak errebisatzen ari da
Iruña eta Behobia lotzen dituen N-121-A errepidean, Belate eta Almandozko tuneletan Behobirako norabidea moztuko dute urriaren 28 eta 29an, asteazken eta ortzegunean 22:00etatik 06:00etara. Trafikoa Belateko gainetik (NA-1210) edo Leitzarango Autobidetik (A-15) desbideratuko dute.
Nafarroako Gobernuko Herrilan Zuzendaritza Nagusitik jakinarazi dutenez, segurtasun kamerak eta abisuen panelak errebisatzen ari dira. Lan hauek egiteko, bidea txandaka moztuko dute, baina Iruñerako norabidean doazenek tunelen barrenetik zirkulatzeko aukera izanen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.