Gure Txokoakoekin batera, Ibarrako Alurr eta Zaldibiako Iztueta taldekoak ariko dira
Gure Txokoa elkarteak antolatutako XXI. Dantzari Ttiki Eguna eginen da irailaren 26an Beran. Herriko dantzariekin batera, Ibarrako Alurr eta Zaldibiako Iztueta taldeko dantzariek ariko dira karrikaz karrika dantzan.
Hamabi urtez beheitiko 170 bat dantzari karriketan barna ibiliko dira 10:30etik aitzinera. Ordu horretan harrera eginen zaie Jamotenean eta hiru ibilbidetan banatuko dira: Illekuetan, Burga plazan eta Agerran. 12:30ean Altzateko plazan eginen dute jaialdia (euriarekin Altzateko frontoian) eta 16:00etan musika izanen da Altzateko frontoian, Endara Deejays-ekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.