Bertizko Natur Parkerako eta Etxalar eta Sara Lizarietan barna lotzen dituen NA-4400 errepideko 9. kilometroan sarbidean zuhaitzak eta adarrak kendu behar izan zituzten.
Berako Larretagañako estazioan orduko 92,4 kilometroko haize bolada neurtu zuten; Donezteben orduko 51,7 kilometrokoa eta Nafarroako handiena Gorramendin jaso zuten, orduko 117 kilometro eta erdikoa.
Asteazken goizari dagokionez, Oronozen eta Baztango bertze zenbait tokitan, Aranon, Almandozen, Donezteben, Goizuetan edo Sunbillan zuhaitzak erori dira errepidera eta batzuetan, horiek erretiratu bitartean itxiak egon dira bideak. Beran, Sunbillan edo Ibardinen adarrak erori dira.