Baztan-Bidasoaldeko afiliazioarekin bildu da Eusko Alkartasuna

Larunbatean egindako Topaketa horretan parte hartu dute, bertzeak bertze, Miren Aranoa Nafarroako koordinatzaileak, Maiorga Ramirez parlamentariak eta Carlos Garaikoetxea lehendakariak

Eusko Alkartasunako Baztan, Malerreka, Bertizarana eta Bortzirietako afiliazioaren arteko topaketa bat ospatu zen larunbatean, Nafarroako egoera politiko berria eta aurretik datorren kurtso politikoko erronka berriak lantzeko. Bertako udaletxeei eragiten dieten hainbat arazoz ere hitz egin zuten, baita toki administrazioaz, N121-A errepideaz eta abeltzantza, mendiak, industria eta komertzio txikia bezalako gai sektorialez ere.  

Bilera horretan izan ziren, besteak beste, Miren Aranoa alderdiko Nafarroako koordinatzailea, Maiorga Ramirez EH Bilduko parlamentaria, Koldo Amezketa parlamentari ohia eta Carlos Garaikoetxea lehendakaria.

Bertako afiliazioaren erranetan, une itxaropentsuak dira hauek Nafarroa berria baten alde egin duten belaunaldi guztientzat. Erakundeetan eman diren lehen pausoekin pozik, nabarmendu dute erronka aldaketa errealitate sozial eta ekonomiko justuago batean islatzea dela.  

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun