Mendialdea Mankomunitatea 2014an hasi zen etxeko zein auzoko konposta sustatzeko kanpainekin. Bi urte baino gutxiagoan lortutako emaitzak oso baikorrak dira. Epe horretan eskualdeko biztanleen %30ak biohondakinak konpostatzea lortu da.
Emaitza horiek atentzioa emanda, pasa den irailaren 9an, Leitzara gerturatu ziren aipatutako probintziako ordezkariak. Arantxa Iparragirre alkate ohia eta Markel Azkargorta zinegotziak, Joseba Sanchez Vermicam enpresako teknikariaren laguntzarekin Leitzako hainbat auzo- konposta gune eta hondakin begetalaren gunea bisitatu eta biohondakina kudeatzeko sistema honen berri jaso zuten lehen eskutik.