Baztango Udalak, Bortzirietako eta Malerrekako mankomunitateak orain arteko hondakin berezien bilketa zerbitzua hobetzeko, orain arteko zerbitzu mugikorraz gain, “Birziklapen etxolak” paratu dituzte. Etxola hauei esker, herritarrek ez dute, orain artean bezala, kamioiaren esperoan egon beharko eta edozein momentutan botatzeko aukera izanen dute.
Zaharberritutako etxolok Baztan eta Bortzirietan paratu badira ere, Malerrekak ere, urtea akitzerako, berea izanen duela aurreikusten da. Baztango etxola Elizondoko Jaime Urrutia karrikaren hasieran dago, Merkatuko plazan, esne makkina eta arropen edukiontziaren ondoan. Bortzirietakoa, aldiz, Etxalarren, herri sarrerako aparkalekuan. Hortaz, hemendik aurrera, bi herriotan kamioi bidezko biltzerik ez da izanen.
Etxolak paratu arte Baztan eta Malerrekan hilabetean behin eta Bortzirietan hilabetean bitan ibiltzen zen kamioiak zerbitzu bera egiten segituko du Malerreka eta Bortzirietan, Etxalarren salbu. Baztanen, ordea, urte akabaila arteko zerbitzuan aldaketa batzuk izanen dituzte. Hondakin berezien biltzean puntu mugikorrak, datozen hilabeteetan, honakoak izanen dira:
HONDAKIN BEREZIEN BILKETA MUGIKORRA BAZTANEN |
||
EGUNA |
HERRIA |
ORDUTEGIA |
IRAILAK 5/ ABENDUAK 5 |
Gartzain |
9:35- 10:35 |
Lekaroz |
10:45-11:45 |
|
Arraioz |
11:55-13:00 |
|
Oronoz |
13:10-15:00 |
|
URRIAK 3 |
Arizkun |
9:35-11:00 |
Erratzu |
11:10-12:30 |
|
Amaiur |
12:40-13:50 |
|
Azpilikueta |
14:00-15:00 |
|
AZAROAK 7 |
Irurita |
9:35-11:00 |
Ziga |
11:10-12:10 |
|
Aniz |
12:20-13:20 |
|
Berroeta |
13:30-14:30 |
|
Almandoz |
14:40-15:00 |
Etxolek hainbat lehiatila dituzte eta lehiatila bakoitzak hondakin mota bat biltzeko irudi eta testua ditu. Hauexek dira etxolan bota daitezkeen hondakinak: bateriak, gasolio eta olio filtroak, bonbilak eta fluoreszenteak, erradiografiak, pilak, fitosanitarioak, garbiketa produktuak, sakeleko telefonoak edo mugikorrak, tonerrak eta inprimagailuen tinta-kartutxoak, gailu elektrikoak eta elektronikoak, olio minerala eta landare olioa (plastikozko pote itxietan), kutsatutako ontziak, pinturak, CD eta DVDak, aerosolak edo espraiak, eta kolak eta silikonak.
Baztango Udalak eta Malerreka nahiz Bortzirietako mankomunitateak etxolak erabiltzeko gonbitea egiten du, hondakin-kudeatze egokia lortzeko denon esku-hartzea beharrezkoa baita.