Ortzeguneko partida nagusian, Xanti Uterga doneztebarrak eta Ionek, 40 eta 36 irabazi zieten San Fermin txapelketako txapeldunei, Urriza eta Barrenetxea IV.ari.
Galarretan uztailaren 25ean jokatuko den jaialdian, buruz buruko txapelketan sartzeko lehian bertze bi partida jokatuko dira eta bietan izanen dira eskualdeko protagonistak. Larunbat arratsaldeko 4etan hasiko den jaialdiko lehen partidan, Aritz Zubiri goizuetarra Aizpuru III.aren kontra ariko da. Jaialdia itxiko duen partidan, berriz, Josetxo Ezkurra II, Ansa II.aren kontra ariko da. Tartean binakako bi partida jokatuko dira: Xanti Uterga eta Patxi Olazar doneztebarrak Matxin III eta Barrenetxea IV.aren kontra alde batetik, eta Segurola eta Joxe Etxeberria III, Otaegi eta Endika Urrutia saldiastarraren kontra, bertzetik.