Bortz lehenbizikoek Elizondon jokatuko den finalerako txartela eskuratuko dute
Euskadiko trontza txapelketarako kanporaketa ez ezik, Nafarroako koxkor biltze txapelketako kanporaketa ere jokatuko dute ekainaren 27an, larunbat arratsaldean 7etan hasiko den jaialdian Uharte-Iruñeko plazan. Zortzi kirolari espero dituzte eta horietako bortz lehenbizikoek lortuko dute uztailaren 26an Elizondon jokatuko den finalerako txartela.
Berako Fernando Etxegarai, Etxalarko Andoni Lasaga eta Iñigo Lasaga anaiak, Elizondoko Mikel Iantzi eta Anizko Unai Iantzi izanen dira eskualdeko ordezkariak eta horiekin batera, Berriozarko Eder Goldarazena, Iker Mariezkurrena eta Iñaki Ekisoain ariko dira.
Ohi bezala, 50 koxkor bildu beharko dituzte, 1,25 metrotara jarriak bi lerrotan. Lehenbiziko bortz sailkatuek uztailaren 26ko Elizondoko finalerako txartela lortu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.