Diru laguntzen murrizketa azken lau urteotan
Nekazari eta abeltzainek diru-laguntzen murrizketa nabaria jasan dute, azken lau urteotan. Nafarroako Gobernuak 2014 eta 2012an ez zuen ustiategiak eguneratzeko eta gazteak sartzeko deialdirik zabaldu eta 2013an zabaldu bazuten ere, aurrekontuek murrizketa nabariak eta baldintza zorrotzak izan zituzten.
Landa Garapena, Ingurumena eta Toki Administrazioa departamentuko datuen arabera, 2013an lehen instalaziorako 153 txostenek eta ustiategiak hobetzeko 543ek jaso zituzten diru-laguntzak. Murrizketek gazteak nekazaritza eta abeltzaintzan sartzea zailtzen dute. Nafarroako Gobernuaren datu ofizialen arabera, 2014an 1.250 nekazari eta abeltzain gutiago ziren 2007an baino.
Nekazaritza sindikatuak diru-laguntzen deialdia zabaltzea beharrezkoa dela adierazi du. Gainera, diru-laguntzak jasotzeko baldintzetan nekazari aktiboaren beharrean, gizarte segurantza ordaintzen duen nekazari profesionala izatea kontuan hartzea eskatu du.
